កិច្ចប្រជុំនេះត្រូវបានរៀបចំឡើងក្នុងគោលបំណង បូកសរុបលទ្ធផលប្រចាំឆ្នាំ២០២៤ ពង្រឹងផែនការយុទ្ធសាស្ត្រ និងកំណត់គោលដៅថ្មីសម្រាប់ឆ្នាំ២០២៥។

ក្នុងថ្ងៃទីមួយនៃសន្និបាទនេះ លោកអគ្គនាយករងបានបើកកិច្ចប្រជុំដោយការធ្វើបទបង្ហាញ ពីសមិទ្ធផលសំខាន់ៗនៃឆ្នាំ ២០២៤ ក៍ដូចជាបញ្ហាដែលនឹងត្រូវប្រឈមជាមួយគ្នានាពេលខាងមុខ។ 

ការធ្វើបទបង្ហាញរបស់ប្រធាននាយកដ្ឋាននីមួយៗបានផ្តល់ជាយុទ្ធសាស្រ្តដោះស្រាយថ្មីៗ ដែលបង្កើននូវជំនឿទុកចិត្ត និងការរំពឹងទុកវិជ្ជមានសម្រាប់ឆ្នាំនេះ។ ប្រធាននាយកដ្ឋាន បានវិភាគប្រសិទ្ធភាព និងធ្វើការពិភាក្សាអំពីគំរូជោគជ័យ និងចំណុចដែលត្រូវការកែលម្អសម្រាប់ឆ្នាំ២០២៥។ 

កិច្ចប្រជុំទាំងមូលក៏បានសង្កត់ធ្ងន់ទៅលើការបង្កើតនយោបាយអភិវឌ្ឍន៍ឆាប់រហ័ស និងវប្បធម៌រួមគ្នា ពោលគឺការធ្វើការដោយភាពចុះសម្រុង និងសាមគ្គីភាព ដើម្បីសម្របខ្លួន ជាមួយទីផ្សារបច្ចុប្បន្នដែលកំពុងតែរីកលូតលាស់ ដើម្បីកំណត់បានថា គ្រឹះស្ថានផ្តល់នូវសេវាកម្មសមស្របទៅនឹង តម្រូវការរបស់អតិថិជន និងការលូតលាស់នៅក្នុងការអភិវឌ្ឍទំនិញ និងសេវាកម្ម។

គ្រឹះស្ថានរំពឹងថាតាមរយៈ ការបង្កើតបន្ថែម និងការកែលម្អក្នុងការអនុវត្តក្នុងឆ្នាំ២០២៥នេះ នឹងនាំឱ្យមានការប្រសើរឡើងកាន់តែច្រើនទៅលើសមិទ្ធផលរបស់គ្រឹះស្ថាន ក៍ដូចជាការអភិវឌ្ឍគ្រប់វិស័យពាក់ព័ន្ធនៅក្នុងប្រទេសកម្ពុជា។